Իրաք` ՏԱՀԵՇ կործանեց Մուսուլ քաղաքի Հրաշագործ Տիրամօր եկեղեցին։

(Ռատիօ Վատիկան) Մուսուլի լատինաց եկեղեցին, որ կը կոչուէր հրաշագործ Տիրամօր եկեղեցին կամ ժամացոյցի եկեղեցին քար ու քանդ եղած է ՏԱՀԵՇ-ի ձեռքով, որ 9 Յունիս 2014-էն ասդին տէր դարձած է քաղաքին։

''Եկեղեցւոյ կործանումը տեղի ունեցած է կիրակի` 24 Ապրիլին''։ Լուրը հաղորդած է Քաղդէացիներու պատրիարքութիւնը, որ միաժամանակ իր ցաւը յայտնած է ի լուր պաշտամունքի այլ վայրերու  քանդումին։ Պատրիարքութիւնը ապա կոչ ուղղած է Իրաքցի քաղաքագէտներուն որ նպաստեն ազգային հաշտութեան ու վերջ դնեն ահաբեկչութեան ծաւալումին։

Տոմենիքեան հայրերու պատկան` Հրաշագործ Տիրամօր եկեղեցին կը գտնուէր քաղաքին կեդրոնը ու յատկանշուած էր իր պատի ժամացոյցով, որ նուէրն էր Եւկինէ կայսրուհիին, Նափոլէոն Գ-ի տիկինը։ 

Նշենք որ քաղաքի աշակերտ-աշակերտուհիները` քրիստոնեայ թէ իսլամ, սովոր էին իրենց դպրոցական քննութիւններէ առաջ, եկեղեցիէն անցնիլ հայցելու համար Տիրամօր օգնութիւնը եւ այդ պատճառաւ եկեղեցին ճանչցուած էր որպէս Հրաշագործ Տիրամօր եկեղեցի։